9 يوليو 2023
كيفية عمل اعلانات ممولة فيس بوك للمبتدئين 2023
![كيفية عمل اعلانات ممولة فيس بوك للمبتدئين 2023](https://cdn.sanity.io/images/1y35ybho/production/d0962a54c72126e8943075994ee79c1f29277b32-1475x766.png?w=1475&h=766&auto=format)
فيسبوك
كيفية عمل اعلانات ممولة فيس بوك للمبتدئين 2023
42 مليون مستخدم على الفيس بوك مستعد انه يشوف اعلاناتك ويعرف عن منتجاتك او خدماتك في 3 ثواني. ده غير ان من شهر يناير لحد شهر أبريل اكتر من 266 مليون شخص في العالم بيشوفوا اعلانات ممولة فيس بوك والنسبة بتزيد كل يوم عن اليوم اللي قبله. عشان كده في المقالة دي هنقولك ازاي تعمل اعلانات على فيس بوك بنفسك وايه اخر التحديثات الجديدة على الفيس بوك وازاى اما تعمل اعلانات ممولة فيس بوك توصل لأكبر عدد من المستهدفين.
حدد أهداف البيزنس الخاص بيك.
اول واهم حاجة قبل ما تبدأ تعمل اعلانات على فيس بوك انك تحدد أهداف البيزنس الخاص بيك واهدافك من الحملة الاعلانية. لأن كل ما تكون اهدافك واضحة ومكتوبة قدامك ده هيساعدك بشكل كبير انك تحققها وهتفضل تحاول انك توصلها وتعمل اعلانات ممولة فيس بوك.
تختلف الأهداف التسويقية بناءً على حجم ومرحلة البيزنس الخاص بيك . وتحقيق الأهداف مش بس في انك توصل لحجم كبير من الإيرادات أو الأرباح. في بعض الأوقات، ممكن هدفك يكون زيادة الوعي بعلامتك التجارية أو زيادة العملاء المحتملين. مهما كانت أهدافك، لازم تكون محددة وقابلة للقياس وقابلة للتحقيق وليها علاقة بمجالك ومحددة زمنياً.
خلي بالك ان لما تعمل اعلانات ممولة فيس بوك ليها دور أساسي في انها تساعدك على تحقيق أهداف البيزنس الخاص بيك، زي الوصول بطريقة أسرع للأشخاص المهتمين بمنتجاتك أو خدماتك وتشجعهم انهم ياخدوا قرار الشراء او الحجز. عشان كده هنوضح لك ازاى تعمل اعلانات ممولة فيس بوك خطوة بخطوة عشان تحقق اهدافك.
اول خطوة انك تعمل إعلانات في Meta Ads Manager وانك تختار هدف يتوافق مع أهدافك التسويقية اللي انت محددها.
الهدف الإعلاني هو عبارة عن رد الفعل اللي عايز الناس تعملوا اول ما يشوفوا اعلاناتك الممولة على فيس بوك. على سبيل المثال ، لو كان هدفك هو زيادة الزيارات لموقعك الالكتروني، يبقى في الحالة دي محتاج تعمل اعلانات ممولة فيس بوك تشجع الناس انهم يدخلوا لموقعك الالكتروني. لو اخترت هدف إعلاني غير الهدف اللي انت عايزه، وقتها Meta هتدور على الناس اللي ممكن تاخد رد فعل تجاه إعلانك بطريقة مختلفة عكس اللي انت محتاجها وبالتالي مش هتلاقي نتايج كويسة ليك. عشان كده مهم جدا انك تحدد هدفك من الاعلانات الممولة على فيس بوك وانك تطبق الهدف ده.
اهم الاهداف في مدير الإعلانات "Ads Manager " محتاج تعرفهم:
الوعي "Awareness ": مرحلة الوعي ده اول هدف ان الناس يكون عندها وعي بعلامتك التجارية ودي عن طريق انك بتحاول تخلق الاهتمام والوعي بين الناس عن منتجاتك وخدماتك وتعرض مميزات منتجاتك أو خدماتك لجمهورك المستهدف.
Consideration"الإدراك والأخذ في الاعتبار" : تاني هدف انك بتخلي الناس يفكروا في منتجاتك أو خدماتك ويدوروا عن معلومات اكتر زي ان العميل يبتدي يسأل عن سعر منتجاتك أو مكانك الفعلي.
Conversion " الحملات الشرائية" : تالت هدف انك تشجع الناس المهتمة بمنتجاتك أو خدماتك انهم ياخدوا رد فعل تجاه اعلاناتك، زي انهم يشتروا المنتج أو يحجزوا الخدمة.
6 أهداف إعلانية في مدير الإعلانات ; اختار المناسب ليك
كل هدف إعلاني له نشاط تجاري مناسب له عشان كده من المهم اختيار الهدف اللي يتوافق بشكل أفضل مع أهدافك الخاصة.
الوعي بعلامتك التجارية:
1- هدف الوعي بعلامتك التجارية
عايز تزود الوعي بعلامتك التجارية لأكبر عدد من الناس؟ يبقى تظهر اعلاناتك لناس كتير من المستهدفين.
عن طريق انك تختار هدف الوعي بعلامتك التجارية كهدف اعلاني "Awareness "
ومن خلاله تقدر تختار الانسب ليك من ال 3 دول
- Reach " الوصول لأكبر عدد من الأشخاص
- Brand awareness الوعي بعلامتك التجارية
- Video views مشاهدة الفيديوهات
الإدراك والأخذ في الاعتبار
2- هدف زيارات الموقع:
لو عايز الناس انهم يفتحوا اللينك ويدخلوا موقعك الالكتروني او الابلكيشن الخاص بيك.
عن طريق انك تختار هدف زيارات الموقع الهدف الإعلاني ليك
ومن خلاله تقدر تختار الانسب ليك من دول
- Link clicks عدد النقرات على اللينكات
- Landing page views زيارة موقعك الإلكتروني
3- هدف التفاعل:
لو عايز الناس تتفاعل مع صفحتك على الفيس بوك او على اكتر من بوست او منشور. اختار هدف التفاعل الهدف الإعلاني ليك وحدد الطريقة اللي عايز الناس تتفاعل بيها مع إعلاناتك:
- Messages الرسائل
- Video views مشاهدة الفيديوهات
- Post engagement التفاعل مع البوست
4 - هدف تجميع البيانات:
اما لو عايز تجمع leads للبيزنس الخاص بيك، يبقي اعمل إعلانات هدفها انك تجمع معلومات عن الأشخاص المهتمين بمنتجاتك أو خدماتك. عن طريق انك تختار leads الهدف الإعلاني ليك سواء:
- Instant forms نموذج بيانات
- Messages الرسائل
- Calls المكالمات
- Sign-ups تسجيل الدخول
الحملات الشرائية:
5- هدف تنزيل التطبيق:
عايز ناس جديدة تنزل التطبيق الخاص بيك وتفضل تستخدمه على طول، يبقى محتاج تحدد الهدف الإعلاني ليك يكون تنزيل التطبيق وتختار الانسب من دول ليك:
- App installs تنزيل التطبيق
- App events تحديثات التطبيق
6- هدف المبيعات:
اما لو هدفك انك تزود مبيعاتك والناس تشتري منتجاتك او خدماتك، وقتها هيكون هدفك الإعلاني المبيعات وتختار الانسب من دول ليك:
- Conversions عمليات الشراء
- Catalog sales كتالوج المبيعات
- Messages الرسائل
بكده وضحنا الأهداف المختلفة عشان تعمل اعلانات ممولة فيس بوك وبمجرد ما تحدد اهداف البيزنس الخاص بيك وهدفك من الحملة الإعلانية ده هيوجهك لنتايج كويسة جدا. كمان المحتوى الإعلاني والتصميم ليهم عامل كبير ومهم انهم يجذبوا عملائك المستهدفين.
المعادلة بسيطة " محتوى مناسب + تصميم جذاب = اعلان ممتاز "
في طرق تانية عشان تعمل اعلانات ممولة فيس بوك زي انك تعمل تعزيز البوست أو تعزيز المنشور"Boost a post"
تعزيز البوست هو إعلان بتنزله من بوست موجود على صفحتك على فيس بوك من قبل كده. تعزيز البوست هدفه تلقي المزيد من ردود الفعل والمشاركات والتعليقات من الناس وكمان ممكن توصل لناس جديدة يكونوا مهتمين بصفحتك أو عملك.
ازاي تعمل اعلانات ممولة عن طريق تعزيز المنشور"Boost a post":
- اضغط على Boost a Post أو تعزيز المنشور على البوست اللي عايزه.
- حدد هدفك الإعلاني سواء محتاج ان الناس تعرف عن البيزنس الخاص بيك اكتر يبقي هتختار الوعي بعلامتك التجارية ولا محتاج تفاعل اكتر من الناس على البوست وعلي صفحتك، يبقى هتختار هدف التفاعل.
- اختار رد الفعل اللي الناس ياخدوه سواء يبعتوا رسالة أو يدخلوا لموقعك الالكتروني او غيرها. " Add an action button"
- حدد جمهورك المستهدف والوصول إلى الناس حسب الموقع الجغرافي والعمر والاهتمامات.
حدد ميزانيتك للإعلان و مدته.
- اخر حاجة اختار عايز البوست يتعمله اعلان على انستجرام كمان ولا فيس بوك بس وبعدها اختار تعزيز المنشور.
الأشياء التي يجب مراعاتها عند تعزيز منشور Boost a Post
لما تعمل تعزيز المنشور هيساعدك في ان صفحتك تكبر: ويوصل الإعلان للناس اللي مش بيتابعوا صفحتك ويبتدوا انهم يتابعوها وبكده تضمن أن عدد متابعينك يزيد على فيس بوك.
حدد موقعك الالكتروني ا ن الناس تختاره عند الإعلان بطريقة تعزيز المنشور، عشان توجه الناس بموقعك الالكتروني و يزيد عدد زيارات زوار موقعك.
اختار تصميمات جذابة لأن الصور ومقاطع الفيديو الموجودة على صفحتك بتجذب الناس لصفحتك وبكده لو عملت تعزيز منشور فيه تصميم مرئي جذاب هيزيد عدد متابعينك والوعي بعلامتك التجارية.
اسعار اعلانات ممولة فيس بوك:
في عوامل كتيرة تتحكم في تحديد اسعار اعلانات ممولة فيس بوك ، يمكن المحاسبة لنظام التكلفة مقابل كل نقرة Cost per click، وتبعا لبعض الإحصائيات، النظام ده هيكلفك ما يقرب من 0.97$ لكل نقرة، وممكن كمان الاعتماد على نظام التكلفة لكل ألف ظهور Cost per thousand impressions، اللي ممكن تكلفك ما يقدر بحوالي 7.19$ لكل ألف ظهور.
العوامل اللي بتحدد أسعار إعلانات ممولة فيس بوك:
١. خصائص العملاء المستهدفين
ومن العوامل اللي ممكن انها تحدد اسعار اعلانات ممولة فيس بوك هو شريحة العملاء المستهدفين، كل ما قل تواجد الجماهير المستهدفة على فيسبوك، زادت تكلفة الإعلا ن والعكس، وكمان ممكن تختلف الميزانية على حسب السن وموقع العميل، زي ان اسعار اعلانات ممولة فيس بوك اللي تستهدف النساء حوالي 0.15$ لكل نقرة، عن اللي تستهدف الجماهير من الرجال.
٢. ميزانية الحملة الإعلانية على فيس بوك
تؤثر ميزانية الحملة الإعلانية واللي يتم وضعها وقت اختيار عمل اعلانات ممولة فيس بوك تأثير كبير جدا على مدى نجاح الحملة، عشان كده الحملات منخفضة التكلفة، ينتج عنها conversions أقل كتير، على الرغم من أن ميزانية الإعلان الكبيرة توفر لك مرونة أكتر لإستراتيجيتك الإعلانية.
٣. موسم إنشاء اعلانات ممولة فيس بوك
تتوقف اسعار اعلانات ممولة فيس بوك على الوقت اللي هتنزل فيه الإعلان، عشان تكلفة الإعلانات الموسمية بتزيد عن اعلانات الأيام العادية بسبب المنافسة المتزايدة في مزاد الإعلانات. على سبيل المثال، تتسابق شركات كتير على إنشاء حملات إعلانية مختلفة وكمان افكار اعلانات ممولة فيس بوك مبتكرة في شهر رمضان والمناسبات والأعياد المختلفة، ولكن بسبب زيادة نسب الاستهلاك في الأوقات دي، ده معناه تأثر أسعار الإعلانات بشكل عام لحد ما توصل لجمهورك المستهدف.
٤. الهدف من إنشاء اعلانات ممولة فيس بوك
أهداف الحملة الاعل انية سواء الوعي بعلامتك التجارية أو زيادة المبيعات كل ده بيأثر على اسعار اعلانات ممولة فيس بوك ، ممكن يكون الهدف من اعلانك هو خلق الوعي بعلامتك التجارية بين الناس، أو زيادة الاهتمام الموجود لدى العميل بأنه يتشجع على انه يدخل موقعك الالكتروني بهدف شراء منتجاتك أو تجربة خدماتك. وكل ما كان الهدف من إعلانك له قيمة كبيرة زي التحفيز على شراء منتج ، زادت تكلفته فالهدف المرتبط بال conversions غالبا بيكون سعره اعلي من الإعلان المرتبط بالوعي.
عشان كده مهم انك تحقق الموازنة بين التكلفة اللي تم صرفها وبين الأرباح المتوقع تحصيلها، عشان متواجهش مشكلة ان معدل الإنفاق أكتر من الربح.
٥. طبيعة ونوعية الجمهور
تحدد نوعية الجمهور بيأثر على أسعار الإعلانات على فيس بوك بطرق كتير وعشان التكلفة تكون قليلة أو كبيرة ده يعتمد على ان الجمهور يكون محدد جدا عشان تحقق نتائج أكبر وتكلفة مش كبيرة.
ايه اللي محتاج تعرفه قبل ما تبدأ تعمل اعلانات ممولة على الفيس بوك؟
دور على منافسينك واعرف ايه المنصة اللي بيستخدموها وبيعلنوا فيها عن منتجاتهم، يعني لو منافسينك متواجدين على انستجرام ده معناه ان مجالهم له علاقة بالهدوم أو الاكسسوارات مثلا وغيرها من المجالات.
بالتالي ده هيساعدك انك تختار المنصة المناسبة ليك لأن في منصات تانيه كتير زي انستجرام، لينكدان، تيك توك وغيرها عشان كده لازم تتأكد من المنصة اللي هتعلن فيها عن منتجاتك أو خدماتك عشان تضمن تحقق نتايج كويسة زي زيادة الوعي بعلامتك التجارية او زيادة مبيعاتك أو زيادة عدد زوار موقعك الإلكتروني.
جرب الإعلان قبل اعتماده
لو كنت مبتدئً في إنشاء إعلانات ممولة فيس بوك، الافضل انك تتبع المقولة دى "لا تضع البيض كله في سلة واحدة"، بمعني انك متعملش إعلان بكل ميزانيتك من أول مرة، ولكن جرب الإعلان بميزانية صغيرة ووقت قصير الاول، وليكن أسبوع مثلا. وبعد كده، حلل النتائج اللي ظهرت، وفكر في طرق تانية جديدة عشان تحسن من نتائج الإعلان.
ممكن في المرحلة دي أنك تجرب اختبارات A\B، بأنك تكتب مثلًا محتوى مختلف، وتقوم بعمل إعلان ممول على فيس بوك مرة تانية بالمحتوى الجديد، وبعدين قارن بين الإعلانين وايه اللي حقق نجاح أكبر لأهدافك، لكن خلي بالك انك لازم تغير حاجة واحدة بس في كل مرة.
كمان عامل الوقت ضعه في الحسبان، بالتالي مش منطقي أنك تنشر في الساعة 9 بليل اعلان في اختبار A، وتنشر في الساعة 6 الصبح اعلان في اختبار B، لكن عليك انك تثبت كل الع وامل زي: الوقت، وموقع الفئة المستهدفة، واهتماماتها، والصور اللي فيها تصميم ونصوص، وتقوم بتغيير حاجة واحدة بس منهم، اللي هو نص المنشور الـ “caption” في المثال ده.
6. اختار احسن شركة تسويق الكتروني في مصر
ممكن تحس انك عشان تعمل إعلانات ممولة فيس بوك خطوة صعبة شوية لو مفيش خبرة تسويقية سابقة ليك او ممكن يكون مفيش الوقت المتاح ليك انك تعمل اعلانات، فى الحالة دى الأفضل انك تلجأ لشركة تسويق إلكتروني متخصصة في الإعلانات على السوشيال ميديا.
بناء على تجارب عملاء كتير،شركة Trendlix هي أفضل شركة تسويق الكتروني لأن فريق العمل متخصصين في المجال بقالهم سنين كتير.
وكمان شركة Trendlix عندها كل التخصصات سواء Social media marketing, SEO services, Media production, Motion graphics, Web development عشان كده هتضمن نتائج حقيقية للبيزنس الخاص بيك وهتكون متطمن انه هيكبر من خلال شركة واحدة متخصصة.
من ضمن اساس نجاح البيزنس الخاص بيك هو خطط تسويقية ناجحة مناسبة لأهدافك ولمجالك عشان كده كمان شركة Trendlix بيقدموا لك خطط تسويقية ناجحة وواضحة تناسب أهدافك وطبعا هيتابعوا معاك كل مرحلة دايما بكل وضوح وبكده هتكون متطمن بكل خطوة بتحصل.
في النهاية هتلاقي ان أعمالهم السابقة المتنوعة واستخدامهم لاستراتيجيات creative جعلتهم مميزين فعلا وسط الشركات التانية وبالنسبة للتكلفة فهي على حسب البيزنس الخاص بيك وحجمه عشان كده شركة Trendlix قدرت تحقق كل العوامل بكفاءة عالية جدا وتبقى شركة اعلانات سوشيال ميديا محترفة ننصحك بيها.
بناء على فيدباك عملاء كتير قالوا ان التعامل مع شركة Trendlix مريح ومهني جدا وده بسبب وجود عقد بكل الاتفاقات وده عشان تضمن حقوقك من الأول.
وكمان لو حابب تزور المقر الفعلي لشركة Trendlix هما ليهم اكتر من مقر في مصر وبرة مصر وبالتالي لو حبيت انك تزورهم في اي وقت تقدر تروحلهم في المقر الفعلي في مصر الجديدة وده هيسهل عليك التواصل معاهم اكتر.
عشان كده شركة Trendlix قدرت تحقق كل العوامل بكفاءة عالية جدا وتبقى أفضل شركة اعلانات سوشيال ميديا ننصحك بيها.
أنواع الاعلانات الممولة فيس بوك:
1. إعلانات فيس بوك المصورة Facebook photo ads
من أسهل أنواع اعلانات فيس بوك المدفوعة، لما يكون الإعلان فيه صورة واحدة. مهم أن تكون الصورة واضحة ومميزة، وقادرة انها تجذب انتباه جمهورك المستهدف في حوالي 5 ثواني، وكمان كتابة جملة تشجع فيها الناس انهم يتخذوا إجراء تجاه اعلانك Call To Action وتكون الجملة بسيطة وسهل ينفذوها.
خلي بالك وانت بتعمل اعلان ممول على فيس بوك يحتوي على صورة واحدة ان:
- تكون الصورة جودتها عالية.
- اكتب جملة قصيرة على الصورة.
- اختار صورة أبعادها مناسبة.
- اكتب جملة تشجع جمهورك المستهدف لاتخاذ إجراء "Call To Action" ينفذه دلوقتي.
2. إعلانات ممولة فيس بوك على هيئة فيديو Facebook video ads
الفيديوهات من اكتر الاعلانات اللى بيكون محتواها جذاب لانتباه المستخدمين ، والمدة اللي ممكن يقضيها المستخدم لمشاهدة فيديو اطول ب 5 مرات من أي محتوى كتابي أو مرئي تاني ده اللي وضحته إحصائيات فيس بوك. عشان كده الفيديوهات وسيلة مناسبة عشان توضح معلومات كتير الصور مش هتقدر تبينها.
خلي بالك وانت بتعمل اعلان ممول على فيس بوك على هيئة فيديو:
- يكون الفيديو قصير وسهل الفهم.
- استخدم صور مصغرة Thumbnail جذابة ومعبرة داخل الفيديو.
- الفيديوهات تكون جودتها عالية.
- يكون سهل مشاهدة الفيديو على الموبايل.
- قول أهم الكلمات المفتاحية في البداية، لأن قدامك اقل من 3 ثواني عشان يقرر المشاهد يكمل الفيديو ولا يقفله.
3. إعلانات فيس بوك الدوارة Facebook carousel ads
اعلانات ممولة فيس بوك الدوارة هي الحل الأمثل لو كنت عايز تعرض أكتر من منتج لما تعمل اعلانات ممولة فيس بوك، الطريقة دي بتوفر لك إمكانية تحميل صورتين حتي عشر صور أو فيديوهات، ويتنقل العميل بينهم بمجرد ما يحرك اصبعه.
خلي بالك وانت بتعمل اعلان ممول على فيس بوك “دوار”:
- استخدم صور جذابة للعين متناسقة ومناسبة مع بعضها .
- اختار أفضل الصور واعرضها في البداية.
- تجنب الكتابة الكتير الغير مناسبة.
4. إعلانات التشكيلة Facebook collection ads
ا لنوع ده من الاعلانات الممولة على الفيس بوك هدفه زيادة المبيعات، عن طريق انه بيخلق تجربة عملية بتحفز العميل انه ياخد قرار الشراء، بمجرد ما يفتح الصورة أو الفيديو اللي هيشوفه في بداية الإعلان، هيينتقل لمتجرك الإلكتروني عشان يشوف كل المنتجات اللي بتقدمها.
خلي بالك وانت بتعمل اعلان ممول على فيس بوك على هيئة تشكيلة:
- اعرض صور لمنتجاتك جودتها عالية عشان توضح منتجاتك اكتر.
- استخدم النوع ده من اعلانات ممولة فيس بوك لما تكون عايز تعرض 4 منتجات أو اكتر.
- جرب النوع ده لو هدفك هو زيادة المبيعات أو انك تعرض كتالوج الشركة لأكبر عدد من جمهورك المستهدف.
5. إعلانات عرض الشرائح من فيس بوك Facebook slideshow ads
النوع ده من اعلانات ممولة فيس بوك بيكون شبه إعلانات الفيديو، ولكن الفرق بينه وبين إعلانات الفيديو هو التكلفة لأن تكلفته بتكون اقل، كمان لو تنزل إعلان ممول فيه شرائح بتكون جذابة اكتر من مجرد تحميل صور مش متحركة، ودي اكتر بتكون مناسبة ليك لو عايز تنزل اعلان يكون حماسي اكتر من الصور وأقل تكلفة من الفيديو في نفس الوقت.
وكمان إعلان عرض الشرائح مناسب لو كانت الفئة المستهدفة غير متوفر ليهم إنترنت سريع، وبكده يقدروا يشوفوا اعلان مشاهدة الشرائح بسهولة. وكمان ا لنوع ده الاعلان بتقدر تعمله من خلال مدير الإعلانات مش من صفحة مشروعك على المنصة.
6. إعلانات قصص فيس بوك Facebook Stories ads
كتيرمن الناس بتتفاعل اكتر مع قصص الفيس بوك، عشان كده إحصائيات فيس بوك أن 56% من المستخدمين بيدخلوا موقع الشركة أو المشروع بعد ما يشوفوا القصص الخاصة المعروضة لمنتج معين.
38% من المستخدمين بيكون عندهم حافز قوي انهم يتكلموا عن المنتج اللي شافوه مع اصحابهم من خلال اعلان ممول على فيس بوك على هيئة قصص وبالتالي بتزيد نسبة انتشار منتجاتك. كمان تدعم إعلانات قصص فيس بوك كل الأهداف اللي أنت عايز تحققها من حملتك التسويقية سواءً عايز زيادة عدد الزيارات لموقعك الإلكتروني. أو لو كان هدفك هو زيادة الوعي بعلامتك التجارية او تشجيعهم انهم يحملوا تطبيق على موبايلاتهم، أو حتى انهم يقولوا آرائهم تجاه منتج معين، وطبعا ده بيسمح لك انك تتكلم مع جمهورك المستهدف بكل الوسائل الممكنة.
7. تجارب فيس بوك الفورية Facebook Instant Experiences
هي نوع مختلف من اعلانات ممولة فيس بوك، واستخدامها بيكون على أجهزة الموبايل، كمان بيوفر فيس بوك كتير من القوالب القابلة للتعديل عشان يكون من السهل انك تعمل اعلان ممول، وميزة التجارب الفورية أنها أسرع 15 مرة من إعلان ات المواقع الالكترونية العادية اللي بيشوفها الناس على الموبايل.
ده معناه ان معدلات الشراء هتكون أعلى، لأن العميل هيشوف رسالتك من الحملة التسويقية بشكل مباشر وبسرعة، وكل ما زادت سرعة تحميل اعلانات فيس بوك، زاد تفاعل جمهورك المستهدف، حتى انهم يكونوا عايزين يعرفوا اكتر عن خدماتك، بالتالي زيادة عدد متابعين صفحتك، عشان كده اسمها التجارب الفورية، لأنها بدخل العميل في جو شبه المتجر الإلكتروني بشكل مباشر.
8. إعلانات تجميع بيانات العملاء المحتملين Facebook lead ads
الغرض الأساسي من إنشاء إعلانات ممولة فيس بوك في الحالة دي هو انك تتعرف على العملاء بطريقة دقيقة جدا، هتقدر تجمع معلومات زي: السن والبريد الإلكتروني والموقع وغيرها أو حتى تسأل أسئلة هتساعدك في جمع أكبر قدر من التفاصيل للفئة المستهدفة.
بالاضافة من إمكانية التعرف على سلوكيات العملاء ودراستها بطريقة كبيرة، كمان ممكن تشجعهم على تحميل برشور معين لخدمة بتقدمها، أو تفكرهم بالاشتراك في نشرة موقعك الإلكتروني.
خلي بالك وانت بتعمل اعلان ممول على فيس بوك على هيئة بيانات العملاء:
- تجنب أنك تسأل أسئلة مش مهمة.
- حدد اعلانك انه يكون واضح.
- تجنب أن الأسئلة تكون على هيئة استجواب.
9. إعلانات الروابط من فيس بوك Facebook link ads
إعلانات الروابط هتساعدك على زيادة عدد زوار موقعهم الإلكتروني، عشان كده لما تعمل اعلان من النوع ده شجع جمهورك المستهدف أنه يزور موقعك الإلكتروني، سواء كان هدفك من الحملة الاعلانية زيادة عدد الزوار، أو كان تحفيز العملاء على شراء منتج أو خدمة من الموقع بطريقة مباشرة.
خلي بالك وانت بتعمل اعلان ممول على فيس بوك على هيئة روابط ممولة على فيس بوك:
- ضع صور تكون مناسبة.
- اكتب جملة تحفز جمهورك المستهدف لاتخاذ إجراء Call To Action بطريقة جذابة وواضحة.
- تجنب انك تكتب شرح كتير وتفاصيل، الافضل انك تشجع جمهورك لزيارة موقعك الالكتروني.
10. إعلانات فيس بوك الديناميكية Facebook dynamic ads
بدل ما تعمل إعلان ممول على فيس بوك لكل خدمة أو منتج لوحده، هتساعدك إعلانات فيس بوك الديناميكية انك تخصص محتوى إعلاني من غير ما تغير جمهورك المستهدف، كمان لو عندك قائمة كبيرة من المنتجات هتحتاج تعمل الإعلان عنهم يدوي وهتحتاج وقت وجهد كبير.
تعرض إعلانات فيسبوك الديناميكية المنتجات اللي جمهورك المستهدف مهتم بيها وبيدور عليها من قبل كده، لو كان بيدور على مجموعة من الموبايلات الحديثة، هتظهر له إعلانات متوافقة مع اهتماماته من غير أي تدخل يدوي منك، وده من خلال إنشاء حملة إعلانية على فيس بوك في البداية، بعد رفع كتالوج المنتجات الخاصة بمشروعك.
ولما يُظهر العميل اهتمامه بمنتج ، هتظهر له إعلانات ديناميكية للمنتج مخصصة له. كمان الإعلانات دي متاحة على الموبايل والكمبيوتر وجميع الأجهزة، كمان الحملة الإعلانية بتكون تلقائية ومستمرة، الافضل كمان انك تقوم بدراسة وتحليل النتائج باستمرار عشان تقييم أدائها.
11. إعلانات ماسنجر Facebook Messenger ads
إعلانات تطبيق ماسنجر من فيس بوك ليها دور مهم في نجاح كتير من الحملات التسويقية، عشان كده تقدر ترسل إعلان بطريقة مباشرة على هيئة رسالة للشريحة المستهدفة، وبالتالي هينتج عنه احتمالية رؤية أكبر لإعلانك، كمان ممكن انك تقوم بإنشاء إعلان ممول هنا على هيئة صورة أو فيديو أو حتى إعلان دوار.
لما يضغط العميل على الإعلان، هتظهر له رسالة بها كل المعلومات اللي ضيفتها عن منتجك، وفي نهايتها جملة لاتخاذ إجراء Call To Action، وكمان تنقل العميل إلى صفحة الفيس بوك الخاصة بالمنتج أو الخدمة، وبكده تكون إعلانات ماسنجر بتساعد في زيادة تفاعل عملائك لما تعمل اعلانات ممولة فيس بوك.
ملخص
"الخبير في م جال كان مبتدأ يوما ما" من أصدق الجمل اللي ممكن تتبعها وتشجعك انك تتعلم وتطور من البيزنس الخاص بيك. في المقالة دي وضحنا ازاي تعمل اعلانات ممولة فيس بوك وان اهم حاجه انك تحدد أهدافك الإعلانية اللي عايز تحققها سواء لو عايز تزود مبيعاتك في الحالة دي هتختار الهدف الإعلاني يكون المبيعات اما لو هدفك ان جمهورك المستهدف يتفاعل معاك يبقى تختار الهدف الإعلاني يكون التفاعل. عشان كده تحديد أهدافك اللي عايز توصلها ده اول الطريق لتحقيق أهدافك الإعلانية بطريقة ناجحة.
في انواع كتير من الاعلانات على فيس بوك زي اعلانات على هيئة صور، فيديوهات، دوارة و فورية وغيرها.
كمان لو انت مش متاح ليك الوقت الكافي انك تعمل اعلانات وعايز شركة تكون متخصصة في اعلانات السوشيال ميديا، اقترحنا لك شركة Trendlix اللي بتتميز بفريق عمل عنده سنين خبرة كبيرة هيقدر يساعدك في تحقيق أهدافك الاعلانية وزيادة ارباحك.
لو حابب تعرف أكتر عن التسويق الإلكتروني وتعرف اكتر عن ازاى توثق حسابك على فيس بوك تابع كل مقالاتنا على ماركتنج بالعربي وغيرها من المواضيع اللي هتساعدك تنقل البيزنس الخاص بيك لمرحلة تانية أعلى بكتير.
ولو حابب تكون متابع كل التحديثات اللي بتحصل في عالم السوشيال ميديا كل لحظة يبقى ببساطة تابع مقالاتنا كل يوم وأقرأ المقالات الموجودة على موقعنا. وبنشجعك لو عندك أى استفسار ممكن تكتبلنا كومنت وهنتواصل معاك فورا.
أهم الأخبار
![افضل شركة اعلانات سوشيال ميديا](https://cdn.sanity.io/images/1y35ybho/production/13441fa4e79a11a950c714d6095312ad30cb04c0-1475x766.png?w=1475&h=766&auto=format)
ازاي تختار افضل شركة اعلانات سوشيال ميديا 2023
عشان تقدر تختار افضل شركة اعلانات سوشيال ميديا 2023 تابع المقالة دي واللي بنحدد لك فيها معايير اختيار افضل شركة تسويق الكتروني تكون مسؤولة عن وسائل التواصل الاجتماعي الخاصة بـ البيزنس بتاعك
المزيد
![خدمة توثيق حساب الفيسبوك](https://cdn.sanity.io/images/1y35ybho/production/1e94dedc5c52ba096bbd5346f5a4be1dd6290465-1475x766.png?w=1475&h=766&auto=format)
مارك زوكربيرج يعلن عن خدمة توثيق حساب الفيسبوك المدفوعة
مارك زوكربيرج يعلن عن خدمة توثيق حساب الفيسبوك المدفوعة بعد ان كانت مجانية لتصبح تكلفة توثيق حساب الفيسبوك هي 11.99 دولار شهريًا للأندرويد و الويب و 14.99 دولار شهريًا لمستخدمين الـ IOS.
المزيد
![اسعار الاعلانات الممولة على الفيس بوك](https://cdn.sanity.io/images/1y35ybho/production/89887e6286a4bcab44dc1be1b4c23f4778b32403-1475x766.png?w=1475&h=766&auto=format)
اسعار الاعلانات الممولة على الفيس بوك
اسعار الاعلانات الممولة على الفيس بوك بتختلف من وقت للتاني و ده بسبب عدة عوامل من ضمنها اختلاف المجال، من خلال المقالة دي هتقدر تحدد ميزانية اعلانك الممول على الفيسبوك بشكل مظبوط
المزيد
![رفع مستوى أداء تحسين محركات البحث](https://cdn.sanity.io/images/1y35ybho/production/26dd6b7e211da7bfebf198f26b4b7154e7220bd9-1475x766.png?w=1475&h=766&auto=format)
5 خطوات مضمونة لرفع مستوى أداء تحسين محركات البحث
5 خطوات بسيطة تضمن لك رفع مستوى أداء تحسين محركات البحث و تزود من ثقة جوجل في موقعك الإلكتروني في أسرع وقت عشان تتصدر النتائج الاولى في صفحات البحث
المزيد
رائج الان